ਬੇਅ ਆਫ਼ਿਸ ਪਲੈਂਟੀ ਦੇ Tarawera River ਵਿੱਚ ਦੋ ਵਿਅਕਤੀ ਹੋਏ ਲਾਪਤਾ,ਐਮਰਜੈਂਸੀ ਸੇਵਾਵਾਂ ਵੱਲੋਂ ਭਾਲ ਜਾਰੀ….

ਆਕਲੈਂਡ(ਬਲਜਿੰਦਰ ਸਿੰਘ) ਨਿਊਜ਼ੀਲੈਂਡ ਦੇ ਕਾਵੇਰਾਉ (Bay of Plenty) ਇਲਾਕੇ ਵਿੱਚ ਟਾਰਾਵੇਰਾ ਦਰਿਆ ‘ਚ ਦੋ ਲੋਕਾਂ ਦੇ ਲਾਪਤਾ ਹੋਣ ਦੀ ਖ਼ਬਰ ਮਿਲੀ ਹੈ, ਜਿਸ ਤੋਂ ਬਾਅਦ ਐਮਰਜੈਂਸੀ ਸੇਵਾਵਾਂ ਵੱਡੇ ਪੱਧਰ ‘ਤੇ ਤਲਾਸ਼ ਮੁਹਿੰਮ ਚਲਾ ਰਹੀਆਂ ਹਨ।
ਪੁਲਿਸ ਮੁਤਾਬਕ, ਸਵੇਰੇ ਕਰੀਬ 11:30 ਵਜੇ ਸੂਚਨਾ ਮਿਲੀ ਕਿ ਦੋ ਵਿਅਕਤੀ Boyce Park ਨੇੜੇ ਦਰਿਆ ਵਿੱਚ ਗਏ ਸਨ ਪਰ ਵਾਪਸ ਨਹੀਂ ਆਏ। ਇਸ ਤੋਂ ਬਾਅਦ ਤੁਰੰਤ ਪੁਲਿਸ, ਫਾਇਰ ਅਤੇ ਐਮਰਜੈਂਸੀ ਨਿਊਜ਼ੀਲੈਂਡ ਦੀਆਂ ਟੀਮਾਂ ਮੌਕੇ ‘ਤੇ ਪਹੁੰਚ ਗਈਆਂ।
Hato Hone St John ਨੇ ਦੱਸਿਆ ਕਿ 11:34 ਵਜੇ ਉਨ੍ਹਾਂ ਨੂੰ ਵੀ ਸੂਚਨਾ ਮਿਲੀ, ਜਿਸ ਤੋਂ ਬਾਅਦ ਐਂਬੂਲੈਂਸ, ਫਸਟ ਰਿਸਪਾਂਸ ਯੂਨਿਟ, ਓਪਰੇਸ਼ਨ ਮੈਨੇਜਰ ਅਤੇ ਰੈਪਿਡ ਰਿਸਪਾਂਸ ਯੂਨਿਟ ਭੇਜੇ ਗਏ। ਇਕ ਹੈਲੀਕਾਪਟਰ ਵੀ ਤਲਾਸ਼ ਕਾਰਵਾਈ ਲਈ ਮੌਕੇ ‘ਤੇ ਮੌਜੂਦ ਹੈ।
ਘਟਨਾ ਕਾਵੇਰਾਉ ਦੇ Manukorihi Drive ਨੇੜੇ ਵਾਪਰੀ ਹੈ, ਜੋ ਟਾਰਾਵੇਰਾ ਦਰਿਆ ਦੇ ਕਿਨਾਰੇ ਇਕ ਉਦਯੋਗਿਕ ਇਲਾਕਾ ਹੈ। ਮੌਕੇ ‘ਤੇ ਕਾਫ਼ੀ ਲੋਕ ਵੀ ਇਕੱਠੇ ਹੋ ਰਹੇ ਹਨ, ਜਦਕਿ ਤਲਾਸ਼ ਮੁਹਿੰਮ ਜਾਰੀ ਹੈ।
ਅਜੇ ਤੱਕ ਦੋਨੋਂ ਵਿਅਕਤੀਆਂ ਬਾਰੇ ਕੋਈ ਪੁਸ਼ਟੀ ਨਹੀਂ ਹੋਈ।