ਆਕਲੈਂਡ ਸਮੇਤ ਨਿਊਜ਼ੀਲੈਂਡ ਦੇ ਵੱਖ-ਵੱਖ ਸਕੂਲਾਂ ਵਿਦਿਅਕ ਅਦਾਰਿਆਂ ਨੂੰ ਮਿਲੀਆਂ ਬੰਬ ਦੀਆਂ ਧਮਕੀਆਂ

ਆਕਲੈਂਡ(ਬਲਜਿੰਦਰ ਸਿੰਘ ਰੰਧਾਵਾ) ਅੱਜ ਸਵੇਰੇ ਨਿਊਜ਼ੀਲੈਂਡ ਭਰ ਵਿੱਚ ਕਈ ਵਿਦਿਅਕ ਅਦਾਰਿਆਂ ਨੂੰ ਬੰਬ ਧਮਕੀਆਂ ਦੀ ਇੱਕ ਈਮੇਲ ਮਿਲਣ ਦੀ ਖ਼ਬਰ ਹੈ।ਅਗਿਆਤ ਧਮਕੀਆਂ ਮਿਲਣ ਤੋਂ ਬਾਅਦ ਵਿਦਿਅਕ ਕੈਂਪਸਾਂ ਨੂੰ ਖਾਲੀ ਕਰਵਾ ਲਿਆ ਗਿਆ ਹੈ ਅਤੇ ਮਾਪਿਆਂ ਨੂੰ ਆਪਣੇ ਬੱਚਿਆਂ ਨੂੰ ਸਕੂਲ ਤੋਂ ਲਿਜਾਣ ਲਈ ਕਿਹਾ ਗਿਆ ਹੈ।ਆਕਲੈਂਡ ਦੇ ਵਾਂਗਾਪਾਰਾਓਆ ਸਕੂਲ ਨੇ ਮਾਪਿਆਂ ਨੂੰ ਈਮੇਲ ਕੀਤਾ, ਜਿਸ ਵਿੱਚ ਕਿਹਾ ਗਿਆ ਹੈ ਕਿ ਸਕੂਲ ਨੂੰ “ਗੁੰਮਨਾਮ ਬੰਬ ਧਮਕੀ” ਮਿਲੀ ਹੈ।ਈਮੇਲ ਵਿੱਚ ਮਾਪਿਆਂ ਅਤੇ ਦੇਖਭਾਲ ਕਰਨ ਵਾਲਿਆਂ ਨੂੰ ਆਪਣੇ ਬੱਚਿਆਂ ਨੂੰ ਚੁੱਕਣ ਲਈ ਕਿਹਾ ਗਿਆ ਸੀ।ਕ੍ਰਾਈਸਟਚਰਚ ਗਰਲਜ਼ ਹਾਈ ਸਕੂਲ ਨੂੰ ਸਵੇਰੇ 10 ਵਜੇ ਤੋਂ ਥੋੜ੍ਹੀ ਦੇਰ ਪਹਿਲਾਂ “ਸਾਵਧਾਨੀ” ਤਾਲਾਬੰਦੀ ਵਿੱਚ ਰੱਖਿਆ ਗਿਆ ਸੀ।ਸਕੂਲ ਵਿੱਚ ਤਿੰਨ ਪੁਲਿਸ ਕਾਰਾਂ ਵੇਖੀਆਂ ਗਈਆਂ।ਬੰਬ ਧਮਕੀ ਮਿਲਣ ਤੋਂ ਬਾਅਦ ਆਰਾ ਇੰਸਟੀਚਿਊਟ ਨੇ ਟਿਮਾਰੂ ਅਤੇ ਕ੍ਰਾਈਸਟਚਰਚ ਵਿੱਚ ਆਪਣੇ ਕੈਂਪਸ ਖਾਲੀ ਕਰਵਾ ਲਏ।ਚਿੰਤਤ ਮਾਪਿਆਂ ਨੇ ਸੋਸ਼ਲ ਮੀਡੀਆ ‘ਤੇ ਕਿਹਾ ਹੈ ਕਿ ਫੇਅਰਬਰਨ ਸਕੂਲ ਅਤੇ ਬੇਅਰਡਸ ਮੇਨਫ੍ਰੇਟ ਪ੍ਰਾਇਮਰੀ ਸਕੂਲ ਨੂੰ ਵੀ ਧਮਕੀਆਂ ਮਿਲੀਆਂ ਹਨ।