ਆਕਲੈਂਡ(ਰੰਧਾਵਾ)ਇਸ $5.5 ਬਿਲੀਅਨ ਪ੍ਰੋਜੈਕਟ ਤਹਿਤ 3.5 ਕਿਲੋਮੀਟਰ ਲੰਬੀ ਭੂਮੀਗਤ ਸੁਰੰਗ ਰਾਹੀਂ ਸ਼ਹਿਰ ਦੀਆਂ ਰੇਲ ਲਾਈਨਾਂ ਆਪਸ ਵਿੱਚ ਜੁੜਣਗੀਆਂ। Te Waihorotiu ਅਤੇ Karanga-a-Hape ਦੋ ਨਵੇਂ ਅੰਡਰਗ੍ਰਾਊਂਡ ਸਟੇਸ਼ਨ ਵੀ ਯਾਤਰੀਆਂ ਲਈ ਖੁੱਲ੍ਹਣਗੇ।
Britomart ਦਾ ਨਾਮ ਬਦਲ ਕੇ Waitematā ਰੱਖਿਆ ਗਿਆ ਹੈ ਅਤੇ ਹੁਣ ਇਹ ਟਰਮੀਨਲ ਦੀ ਥਾਂ ਰਾਹੀਂ ਲੰਘਣ ਵਾਲਾ (through) ਸਟੇਸ਼ਨ ਹੋਵੇਗਾ। ਨਵੀਂ ਵਿਵਸਥਾ ਤਹਿਤ East-West, South-City ਅਤੇ Onehunga-West ਤਿੰਨ ਨਵੇਂ ਰੇਲ ਰੂਟ ਸ਼ੁਰੂ ਕੀਤੇ ਜਾਣਗੇ।
ਪੀਕ ਸਮੇਂ ਸਿਟੀ ਸੈਂਟਰ ਵਿੱਚ ਲਗਭਗ ਹਰ 4 ਮਿੰਟ ਬਾਅਦ ਟ੍ਰੇਨ ਉਪਲਬਧ ਹੋਵੇਗੀ। ਹਾਲਾਂਕਿ ਸ਼ੁਰੂਆਤ ਵਿੱਚ ਅੰਤਰਿਮ ਸਮਾਂ-ਸਾਰਣੀ ਲਾਗੂ ਰਹੇਗੀ ਅਤੇ ਪੂਰੀ ਸੇਵਾ ਅਗਲੇ ਛੇ ਮਹੀਨਿਆਂ ਵਿੱਚ ਸ਼ੁਰੂ ਕਰਨ ਦਾ ਟੀਚਾ ਰੱਖਿਆ ਗਿਆ ਹੈ।
ਯਾਤਰੀਆਂ ਨੂੰ 13 ਸਤੰਬਰ ਤੋਂ ਪਹਿਲਾਂ ਆਪਣੇ ਨਵੇਂ ਰੂਟ ਅਤੇ ਟ੍ਰੇਨ ਦੇ ਸਮੇਂ ਦੀ ਜਾਂਚ ਕਰਨ ਦੀ ਸਲਾਹ ਦਿੱਤੀ ਗਈ ਹੈ।
Add Comment