Whangārei ਚ ਪੁਲਿਸ ਕਾਰ ਸਮੇਤ ਤਿੰਨ ਵਾਹਨਾਂ ਵਿਚਕਾਰ ਹੋਈ ਟੱਕਰ,ਦੋ ਜਣੇ ਹੋਏ ਜ਼ਖ਼ਮੀ….

ਆਕਲੈਂਡ(ਰੰਧਾਵਾ) Whangārei ਚ ਅੱਜ ਸਵੇਰੇ ਇੱਕ ਪੁਲਿਸ ਗਸ਼ਤ ਗੱਡੀ ਅਤੇ ਹੋਰ ਵਾਹਨਾਂ ਵਿਚਕਾਰ ਵਾਪਰੇ ਹਾਦਸੇ ਤੋਂ ਬਾਅਦ ਦੋ ਵਿਅਕਤੀਆਂ ਨੂੰ ਹਸਪਤਾਲ ਲਿਜਾਇਆ ਗਿਆ ਹੈ।
ਪੁਲਿਸ ਦੇ ਇੱਕ ਬੁਲਾਰੇ ਨੇ ਦੱਸਿਆ ਕਿ ਤਿੰਨ ਵਾਹਨਾਂ ਦਾ ਇਹ ਹਾਦਸਾ ਸਵੇਰੇ ਲਗਭਗ 10:30 ਵਜੇ ਟਿਕੀਪੁੰਗਾ (Tikipunga) ਵਿੱਚ ਮਾਨਾਪੌਰੀ ਸਟ੍ਰੀਟ (Manapouri St) ਅਤੇ ਪੈਰਾਮਾਉਂਟ ਪਰੇਡ (Paramount Pde) ਦੇ ਚੌਰਾਹੇ ‘ਤੇ ਵਾਪਰਿਆ।ਦੋ ਵਿਅਕਤੀਆਂ ਨੂੰ ਹਸਪਤਾਲ ਲਿਜਾਇਆ ਗਿਆ।ਇਸ ਘਟਨਾ ਵਿੱਚ ਸ਼ਾਮਲ ਪੁਲਿਸ ਅਧਿਕਾਰੀ ਸੁਰੱਖਿਅਤ ਰਹੇ ਅਤੇ ਉਨ੍ਹਾਂ ਨੂੰ ਕੋਈ ਸੱਟ ਨਹੀਂ ਲੱਗੀ।ਬੁਲਾਰੇ ਨੇ ਕਿਹਾ ਕਿ ਪੁਲਿਸ ਦੀ ਮਿਆਰੀ ਪ੍ਰਕਿਰਿਆ (standard procedure) ਦੇ ਤਹਿਤ ਇਸ ਹਾਦਸੇ ਦੀ ਜਾਂਚ ਕੀਤੀ ਜਾਵੇਗੀ।