ਗੀਤਕਾਰ ਜਾਨੀ ਨੇ ਸੋਸ਼ਲ ਮੀਡੀਆ ਤੋਂ ਕਿਨਾਰਾ ਕਰ ਲਿਆ ਹੈ। ਉਹ ਜਾਨੀ ਜੋ ਅਕਸਰ ਸੋਸ਼ਲ ਮੀਡੀਆ ‘ਤੇ ਕਾਫ਼ੀ ਐਕਟਿਵ ਰਹਿੰਦਾ ਹੈ। ਸੋਸ਼ਲ ਮੀਡੀਆ ‘ਤੇ ਅਕਸਰ ਜਾਨੀ ਆਪਣੇ ਗੀਤਾਂ ਨੂੰ ਪ੍ਰਮੋਟ ਕਰਦਾ ਹੈ, ਪਰ ਹੁਣ ਜਾਨੀ ਇਸ ਪਲੇਟਫਾਰਮ ‘ਤੇ ਨਜ਼ਰ ਨਹੀਂ ਆਵੇਗਾ।
ਗੀਤਕਾਰ ਜਾਨੀ ਨੇ ਸੋਸ਼ਲ ਮੀਡੀਆ ਤੋਂ ਕਿਨਾਰਾ ਕਰ ਲਿਆ ਹੈ। ਉਹ ਜਾਨੀ ਜੋ ਅਕਸਰ ਸੋਸ਼ਲ ਮੀਡੀਆ ‘ਤੇ ਕਾਫ਼ੀ ਐਕਟਿਵ ਰਹਿੰਦਾ ਹੈ। ਸੋਸ਼ਲ ਮੀਡੀਆ ‘ਤੇ ਅਕਸਰ ਜਾਨੀ ਆਪਣੇ ਗੀਤਾਂ ਨੂੰ ਪ੍ਰਮੋਟ ਕਰਦਾ ਹੈ, ਪਰ ਹੁਣ ਜਾਨੀ ਇਸ ਪਲੇਟਫਾਰਮ ‘ਤੇ ਨਜ਼ਰ ਨਹੀਂ ਆਵੇਗਾ। ਜਾਨੀ ਨੇ ਖੁਦ ਪੋਸਟ ਪਾ ਕੇ ਲਿਖਿਆ, “ਮੈਂ ਸੋਸ਼ਲ ਮੀਡੀਆ ਅਕਾਊਂਟ ਨੂੰ ਡਿਲੀਟ ਤੇ ਡੀ-ਐਕਟੀਵੇਟ ਕਰ ਰਿਹਾ ਹਾਂ। ਮੈਂ ਸੋਸ਼ਲ ਮੀਡੀਆ ਤੋਂ ਬ੍ਰੇਕ ਲੈ ਰਿਹਾ ਹਾਂ। ਤੁਹਾਡਾ ਸਭ ਦਾ ਇਨ੍ਹਾਂ ਪਿਆਰ ਦੇਣ ਲਈ ਧੰਨਵਾਦ। ਬਾਕੀ ਕਿਸਮਤ-2 ਵੇਖਣਾ ਨਾ ਭੂਲਿਓ।”
ਪਰ ਜਾਨੀ ਦੀ ਇਸ ਪੋਸਟ ਦੇ ਥੱਲੇ ਉਸ ਦੇ ਦੋਸਤ ਤੇ ਗਾਇਕ ਸੁਖੀ ਮਿਊਜ਼ਿਕਲ ਡਾਕਟਰਜ਼ ਨੇ ਮਜ਼ੇਦਾਰ ਕਮੈਂਟ ਵੀ ਕੀਤਾ। ਸੁਖੀ ਮਿਊਜ਼ਿਕਲ ਡਾਕਟਰਜ਼ ਨੇ ਕਿਹਾ, “ਮੇਰੇ ਗਾਣੇ ‘ਤੇ ਰੀਲ ਪਾਲੇ ਪਹਿਲਾਂ, ਕੱਲ ਪਰਸੋਂ ਤੱਕ ਕਰ ਦਵੀਂ।” ਗੀਤਕਾਰ ਜਾਨੀ ਅੱਜ ਪੂਰੇ ਦੇਸ਼ ਦਾ ਪ੍ਰਸਿੱਧ ਤੇ ਸਭ ਤੋਂ ਮਹਿੰਗਾ ਗੀਤਕਾਰ। ਜਾਨੀ ਦੀ ਕਲਮ ਦਾ ਹਰ ਕੋਈ ਦੀਵਾਨਾ ਹੈ। ਭਾਵੇ ਹੀ ਜਾਨੀ ਸੋਸ਼ਲ ਮੀਡੀਆ ਤੋਂ ਬ੍ਰੇਕ ਲੈ ਰਿਹਾ ਹੈ, ਪਰ ਉਸਦੇ ਗਾਣਿਆਂ ਦਾ ਸਿਲਸਿਲਾ ਹਮੇਸ਼ਾ ਜਾਰੀ ਰਹੇਗਾ। ਫ਼ਿਲਮ ਕਿਸਮਤ 2 ‘ਚ ਜਾਨੀ ਦੇ ਲਿਖੇ ਹੋਏ ਗੀਤ ਹਨ, ਜੋ ਕਿ 23 ਸਤੰਬਰ ਨੂੰ ਰਿਲੀਜ਼ ਹੋਵੇਗੀ।
ਤੁਹਾਨੂੰ ਦੱਸ ਦੇਈਏ, ਦਰਸ਼ਕ ਫਿਲਮ ‘ਕਿਸਮਤ 2’ ਲਈ ਵੀ ਬੇਤਾਬ ਹਨ। ਇਸ ਫਿਲਮ ਵਿੱਚ ਤੁਸੀਂ ਐਮੀ ਵਿਰਕ, ਸਰਗੁਣ ਮਹਿਤਾ ਅਤੇ ਤਾਨੀਆ ਨੂੰ ਮੁੱਖ ਭੂਮਿਕਾਵਾਂ ਵਿੱਚ ਵੇਖਣ ਜਾ ਰਹੇ ਹੋ। ਇਸ ਫਿਲਮ ਦਾ ਨਿਰਦੇਸ਼ਨ ਜਗਦੀਪ ਸਿੱਧੂ ਨੇ ਕੀਤਾ ਹੈ। ਇਹ ਫਿਲਮ ਇੱਕ ਰੋਮਾਂਟਿਕ ਡਰਾਮਾ ਬਣਨ ਜਾ ਰਹੀ ਹੈ। ਇਸ ਵਿੱਚ ਕਾਮੇਡੀ ਦੇ ਨਾਲ ਨਾਲ ਭਾਵਨਾਤਮਕ ਦ੍ਰਿਸ਼ ਵੀ ਵੇਖਣ ਨੂੰ ਮਿਲਣਗੇ। ਇਹ ਫਿਲਮ 24 ਸਤੰਬਰ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਫਿਲਮ ਦੀ ਟੀਮ ਇਸ ਫਿਲਮ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹੈ। ਵੇਖਣਾ ਹੋਵੇਗਾ ਕਿ ਦਰਸ਼ਕ ਇਸ ਫਿਲਮ ਨੂੰ ਕਿੰਨਾ ਪਸੰਦ ਕਰਦੇ ਹਨ।
