ਨਿਊ ਸਾਊਥ ਵੇਲਜ਼ ਦੇ 23 ਸਥਾਨਕ ਖੇਤਰਾਂ ਲਈ ‘ਆਫ਼ਤ ਰਾਹਤ ਫੰਡਿੰਗ’ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ। NSW ਤੱਟ ਦੇ ਕੁਝ ਹਿੱਸਿਆਂ ਨੂੰ ਕਵਰ ਕਰ ਰਿਹਾ ਹੈ ਜਿਸ ਵਿਚ ਸਿਡਨੀ ਦੇ ਬਹੁਤ ਸਾਰੇ ਹਿੱਸੇ ਸ਼ਾਮਲ ਹਨ ਜੋ ਕਿ ਪਿਛਲੇ ਕੁਝ ਦਿਨਾਂ ਵਿਚ ਹੜ੍ਹਾਂ ਕਰ ਕੇ ਪ੍ਰਭਾਵਤ ਹੋਏ ਹਨ। NSW ਐਮਰਜੈਂਸੀ ਸੇਵਾਵਾਂ ਮੰਤਰੀ ਸਟੀਫ ਕੁੱਕ ਨੇ ਇਕ ਬਿਆਨ ਵਿਚ ਕਿਹਾ ਹੈ ਕਿ ਫੰਡਿੰਗ ਫੈਡਰਲ ਤੇ NSW ਸਰਕਾਰਾਂ ਵੱਲੋਂ ਮਿਲ ਕੇ ਪੇਸ਼ ਕੀਤੀ ਗਈ ਸੀ।
ਫੈਡਰਲ ਐਮਰਜੈਂਸੀ ਪ੍ਰਬੰਧ ਮੰਤਰੀ ਮਰੇ ਵਾਟ ਨੇ ਉਨ੍ਹਾਂ ਦੀ ਤੁਰੰਤ ਪ੍ਰਤੀਕ੍ਰਿਆ ‘ਤੇ ਜ਼ੋਰ ਦਿੱਤਾ। ਵਾਟ ਨੇ ਟਵੀਟ ਕੀਤਾ ਕਿ ਫੈਡ-ਸਟੇਟ ਸਰਕਾਰਾਂ ਵਿਚਕਾਰ ਆਫ਼ਤਾਂ ‘ਤੇ ਵਧੇਰੇ ਸਰਗਰਮ ਸਹਿਯੋਗ ਦਾ ਮਤਲਬ ਹੈ ਕਿ ਅਸੀਂ ਬਿਹਤਰ ਢੰਗ ਨਾਲ ਤਿਆਰ ਹਾਂ। LGAs ਆਫ਼ਤ ਫੰਡਿੰਗ ਲਈ ਬਲੈਕਟਾਊਨ, ਬਲੂ ਮਾਉਂਟੇਨ, ਕੈਮਡੇਨ, ਕੈਂਟਰਬਰੀ ਬੈਂਕਸਟਾਊਨ, ਕੈਂਪਬੈਲਟਾਊਨ, ਸੈਂਟਰਲ ਕੋਸਟ, ਸੇਸਨੋਕ, ਫੇਅਰਫੀਲਡ, ਜੌਰਜਸ ਰਿਵਰ, ਹਾਕਸਬਰੀ, ਹੌਰਨਸਬੀ, ਕੀਮਾ, ਲਿਥਗੋ, ਉੱਤਰੀ ਬੀਚ, ਪੇਨਰਿਥ, ਸ਼ੈਲਹਾਰਬਰ, ਸ਼ੋਲਹੇਵਨ, ਸਦਰਲੈਂਡ, ਦ ਹਿਲਸ, ਵੋਂਗੇਲਰੀਬੀ ਤੇ ਵੋਲੋਂਗੋਂਗ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ।
