ਆਕਲੈਂਡ (ਬਲਜਿੰਦਰ ਸਿੰਘ) ਤਰਨਾਕੀ ਵਿੱਚ ਬੀਤੀ ਰਾਤ ਇੱਕ ਪੁਲ ਤੋਂ ਕਾਰ ਦੇ ਹਾਦਸਾਗ੍ਰਸਤ ਹੋਣ ਕਾਰਨ ਚਾਰ ਲੋਕਾਂ ਨੂੰ ਜ਼ਖ਼ਮੀ ਹਾਲਤ ਵਿੱਚ ਹਸਪਤਾਲ ਲਿਜਾਇਆ ਗਿਆ ਹੈ।ਪੁਲਿਸ ਨੂੰ ਕਰੀਬ 1.20 ਵਜੇ ਐਵਰੇਟ ਪਾਰਕ ਵਿੱਚ ਵਾਪਰੇ ਹਾਦਸੇ ਬਾਰੇ ਸੂਚਨਾ ਦਿੱਤੀ ਗਈ ਸੀ।ਇੱਕ ਬੁਲਾਰੇ ਨੇ ਕਿਹਾ, “ਇੱਕ ਕਾਰ ਬ੍ਰਿਸਟਲ ਰੋਡ ‘ਤੇ ਇੱਕ ਪੁਲ ਤੋਂ ਟਕਰਾ ਗਈ ਅਤੇ ਨਦੀ ਵਿੱਚ ਜਾ ਡਿੱਗੀ ਜਿਸ ਕਾਰਨ ਚਾਰ ਲੋਕਾਂ ਨੂੰ ਸੱਟਾਂ ਲੱਗੀਆਂ ਅਤੇ ਉਨ੍ਹਾਂ ਨੂੰ ਹਸਪਤਾਲ ਲਿਜਾਇਆ ਗਿਆ।”
ਸੇਂਟ ਜੌਨ ਦੇ ਬੁਲਾਰੇ ਨੇ ਕਿਹਾ ਕਿ ਦੋ ਐਂਬੂਲੈਂਸਾਂ ਘਟਨਾ ਸਥਾਨ ‘ਤੇ ਹਾਜ਼ਰ ਹੋਈਆਂ। ਚਾਰ ਲੋਕਾਂ ਨੂੰ ਨਿਊ ਪਲਾਈਮਾਊਥ ਦੇ ਤਰਨਾਕੀ ਬੇਸ ਹਸਪਤਾਲ ਲਿਜਾਇਆ ਗਿਆ। ਦੋ ਦੀ ਹਾਲਤ ਗੰਭੀਰ ਹੈ ਅਤੇ ਦੋ ਦੀ ਹਾਲਤ ਮੱਧਮ ਦੱਸੀ ਗਈ ਹੈ।
Add Comment