ਆਕਲੈਂਡ(ਬਲਜਿੰਦਰ ਰੰਧਾਵਾ)ਨਿਊਜ਼ੀਲੈਂਡ ਵਿੱਚ ਨਵੇਂ ਸਾਲ 2026 ਦੇ ਸਵਾਗਤ ਲਈ ਦੇਸ਼ ਭਰ ਵਿੱਚ ਸ਼ਾਨਦਾਰ ਤਿਆਰੀਆਂ ਕੀਤੀਆਂ ਗਈਆਂ ਹਨ। ਆਕਲੈਂਡ ਵਿੱਚ ਜਸ਼ਨਾਂ ਦਾ ਮੁੱਖ ਕੇਂਦਰ ਸਕਾਈ ਟਾਵਰ ਹੋਵੇਗਾ, ਜਿੱਥੇ ਅੱਧੀ ਰਾਤ ਨੂੰ ਸ਼ਾਨਦਾਰ ਆਤਿਸ਼ਬਾਜ਼ੀ ਅਤੇ ਲੇਜ਼ਰ ਸ਼ੋਅ ਦੇਖਣ ਨੂੰ ਮਿਲੇਗਾ। ਇਸ ਦੇ ਨਾਲ ਹੀ ਵੈਲਿੰਗਟਨ ਦੇ ਵਾਟਰਫਰੰਟ ਅਤੇ ਕ੍ਰਾਈਸਟਚਰਚ ਦੇ ਹੈਗਲੇ ਪਾਰਕ ਵਿੱਚ ਲਾਈਵ ਸੰਗੀਤ ਅਤੇ ਪਰਿਵਾਰਕ ਪ੍ਰੋਗਰਾਮਾਂ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ।
ਟੌਰੰਗਾ ਦੇ ਮਾਉਂਟ ਮੌਂਗਾਨੁਈ ਅਤੇ ਕੁਈਨਜ਼ਟਾਊਨ ਵਿੱਚ ਵੀ ਝੀਲ ਦੇ ਕੰਢੇ ਵੱਡੇ ਜਨਤਕ ਮੇਲੇ ਲੱਗਣਗੇ। ਸਾਰੇ ਮੁੱਖ ਸਮਾਗਮਾਂ ਵਿੱਚ ਸੁਰੱਖਿਆ ਦੇ ਸਖ਼ਤ ਪ੍ਰਬੰਧ ਕੀਤੇ ਗਏ ਹਨ ਅਤੇ ਜ਼ਿਆਦਾਤਰ ਥਾਵਾਂ ‘ਤੇ ਸ਼ਰਾਬ ਦੀ ਵਰਤੋਂ ‘ਤੇ ਪਾਬੰਦੀ ਲਗਾਈ ਗਈ ਹੈ। ਇਹ ਜਸ਼ਨ ਪਰਿਵਾਰਾਂ ਅਤੇ ਦੋਸਤਾਂ ਲਈ ਨਵੇਂ ਸਾਲ ਨੂੰ ਯਾਦਗਾਰ ਬਣਾਉਣ ਦਾ ਇੱਕ ਵਧੀਆ ਮੌਕਾ ਹੋਣਗੇ।
