ਟੌਰੰਗਾ ਬੰਦਰਗਾਹ ‘ਤੇ 100 ਕਿਲੋਗ੍ਰਾਮ ਦੇ ਕਰੀਬ ਕੋਕੀਨ ਕੀਤੀ ਗਈ ਜ਼ਬਤ….

ਆਕਲੈਂਡ(ਬਲਜਿੰਦਰ ਸਿੰਘ ਰੰਧਾਵਾ) ਕਸਟਮਜ਼ ਵਿਭਾਗ ਨੇ ਟੌਰੰਗਾ ਬੰਦਰਗਾਹ ‘ਤੇ ਅੰਦਾਜ਼ਨ 100 ਕਿਲੋਗ੍ਰਾਮ ਕੋਕੀਨ ਜ਼ਬਤ ਕੀਤੀ ਹੈ ਜਿਸਦੀ ਕੀਮਤ NZ$35 ਮਿਲੀਅਨ ਤੱਕ ਹੈ।
ਨਸ਼ੀਲੇ ਪਦਾਰਥ ਇੱਕ ਰੈਫ੍ਰਿਜਰੇਟਿਡ ਕੰਟੇਨਰ ਦੇ ਅੰਦਰ ਲੁਕਾਏ ਗਏ ਸਨ ਜਿਸ ਵਿੱਚ ਜਾਇਜ਼ ਸਮਾਨ ਸੀ, ਜੋ ਚਿਲੀ ਤੋਂ ਪੇਰੂ, ਕੋਲੰਬੀਆ ਅਤੇ ਪਨਾਮਾ ਰਾਹੀਂ ਨਿਊਜ਼ੀਲੈਂਡ ਪਹੁੰਚੇ ਹਨ।
ਰੁਟੀਨ ਚੈਕਿੰਗ ਦੌਰਾਨ ਕਸਟਮਜ਼ ਅਧਿਕਾਰੀਆਂ ਨੂੰ ਡੱਬਿਆਂ ਵਿੱਚ ਕੋਕੀਨ ਦੀਆਂ 100 ‘PRADA’-ਬ੍ਰਾਂਡ ਵਾਲੀਆਂ ਇੱਟਾਂ ਲੱਭੀਆਂ।
ਕਸਟਮ ਵਿਭਾਗ ਵੱਲੋਂ ਹੋਰ ਜਾਂਚ ਚੱਲ ਰਹੀ ਹੈ।ਕਸਟਮ ਵਿਭਾਗ ਨੇ ਕਿਹਾ ਕਿ ਜੇਕਰ ਤੁਹਾਨੂੰ ਸ਼ੱਕ ਹੈ ਜਾਂ ਤੁਹਾਨੂੰ ਸੰਭਾਵਿਤ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਬਾਰੇ ਪਤਾ ਹੈ, ਤਾਂ ਤੁਸੀਂ ਗੁਪਤ ਰੂਪ ਵਿੱਚ 0800 WE PROTECT (0800 937 768) ‘ਤੇ ਕਾਲ ਕਰਕੇ ਜਾਂ ਕ੍ਰਾਈਮਸਟੌਪਰਸ ਨੂੰ 0800 555 111 ‘ਤੇ ਗੁਮਨਾਮ ਤੌਰ ‘ਤੇ ਕਾਲ ਕਰਕੇ ਇਸਦੀ ਰਿਪੋਰਟ ਕਰ ਸਕਦੇ ਹੋ।