ਆਕਲੈਂਡ(ਬਲਜਿੰਦਰ ਰੰਧਾਵਾ) ਪੁਲਿਸ ਵੱਲੋਂ ਇੱਕ ਘਰ ਤੋਂ ਗਹਿਣਿਆਂ ਦੇ ਚੋਰੀ ਮਾਮਲੇ ‘ਚ ਇੱਕ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।ਯੂਨਿਟਾਂ ਨੇ ਮੰਗਲਵਾਰ ਰਾਤ 11 ਵਜੇ ਤੋਂ ਥੋੜ੍ਹੀ ਦੇਰ ਪਹਿਲਾਂ ਸਟ੍ਰੈਟਫੋਰਡ ਰੋਡ, ਮੈਨੂਰੇਵਾ ‘ਚ ਇੱਕ ਵਿਅਕਤੀ ਵੱਲੋਂ ਦਾਖਲ ਹੋ ਚੋਰੀ ਕਰਨ ਦੀ ਰਿਪੋਰਟ ਸਬੰਧੀ ਜਵਾਬ ਦਿੱਤਾ।
ਇੰਸਪੈਕਟਰ ਮਿਨਹੋ ਲੀ, ਕਾਉਂਟੀਜ਼ ਮੈਨੂਕਾਊ ਸੈਂਟਰਲ ਏਰੀਆ ਪ੍ਰੀਵੈਂਸ਼ਨ ਮੈਨੇਜਰ ਨੇ ਕਿਹਾ ਕਿ ਉਸ ਸਮੇਂ ਘਰ ਦਾ ਅਲਾਰਮ ਵੱਜ ਰਿਹਾ ਸੀ ਤੇ ਗੁਆਂਢੀਆਂ ਨੇ ਚੋਕਸੀ ਵਿਖਾਉਦੇ ਹੋਏ ਪੁਲਿਸ ਨੂੰ ਸੂਚਿਤ ਕੀਤਾ ਕਿਉਂਕਿ ਉਹ ਜਾਣਦੇ ਸਨ ਕਿ ਘਰ ਦੇ ਮਾਲਿਕ ਘਰ ਤੋਂ ਬਾਹਰ ਹਨ।ਯੂਨਿਟਾਂ ਪਤੇ ‘ਤੇ ਪਹੁੰਚੀਆਂ ਅਤੇ ਸਪੱਸ਼ਟ ਸੰਕੇਤ ਮਿਲੇ ਕਿ ਘਰ ਵਿੱਚ ਚੋਰੀ ਹੋ ਗਈ ਹੈ।ਕਥਿਤ ਅਪਰਾਧੀ ਨੇ ਇਲਾਕੇ ਵਿੱਚ ਪੁਲਿਸ ਯੂਨਿਟਾਂ ਦੇ ਆਉਣ ਦੀ ਆਵਾਜ਼ ਸੁਣ ਕੇ ਜਾਇਦਾਦ ਛੱਡਣ ਦੀ ਕਾਹਲੀ ਵਿੱਚ ਆਪਣੇ ਆਪ ਨੂੰ ਵੀ ਜ਼ਖਮੀ ਕਰ ਲਿਆ ਸੀ।ਇੰਸਪੈਕਟਰ ਲੀ ਦਾ ਕਹਿਣਾ ਹੈ ਕਿ ਇੱਕ ਕੁੱਤਾ ਵਾਲੇ ਟੀਮ ਵੱਲੋਂ ਜਾਂਚ ਅਰੰਭ ਦੇ ਹੋਏ ਟਰੈਕਿੰਗ ਸ਼ੁਰੂ ਕਰ ਦਿੱਤੀ ਗਈ ਅਤੇ ਜਲਦੀ ਹੀ ਉਹਨਾਂ ਨੇੜਲੇ ਖੇਤਰ ਵਿੱਚ ਜ਼ਖਮੀ ਇੱਕ ਵਿਅਕਤੀ ਨੂੰ ਲੱਭਿਆ।ਇੱਕ 23 ਸਾਲਾ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ, ਜਿਸ ਕੋਲ ਉਹ ਗਹਿਣੇ ਵੀ ਸਨ ਜੋ ਉਸਨੇ ਕਥਿਤ ਤੌਰ ‘ਤੇ ਪਤੇ ਤੋਂ ਚੋਰੀ ਕੀਤੇ ਸਨ।ਪੁਲਿਸ ਉਸ ਵਿਅਕਤੀ ਨੂੰ ਇਲਾਜ ਲਈ ਮਿਡਲਮੋਰ ਹਸਪਤਾਲ ਲੈ ਗਈ, ਅਤੇ ਉਸ ਨੂੰ ਅੱਜ ਚੋਰੀ ਦੇ ਦੋਸ਼ ਵਿੱਚ ਮੈਨੂਕਾਊ ਜ਼ਿਲ੍ਹਾ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਣਾ ਸੀ।
Add Comment