ਬ੍ਰਾਇਨ ਤਾਮਾਕੀ ਵੱਲੋਂ ਕੀਤੀਆਂ ਜਾ ਰਹੀਆਂ ਭੜਕਾਊ ਟਿੱਪਣੀਆਂ ‘ਤੇ ਭਾਰਤੀ ਭਾਈਚਾਰੇ ਵੱਲੋਂ ਪੁਲਿਸ ਨੂੰ ਕਾਰਵਾਈ ਕਰਨ ਦੀ ਮੰਗ….

ਆਕਲੈਂਡ(ਬਲਜਿੰਦਰ ਰੰਧਾਵਾ) ਹਿੰਦੂ ਆਗੂ ਵੱਲੋਂ ਪੁਲਿਸ ਨੂੰ ਡੈਸਟਿਨੀ ਚਰਚ ਦੇ ਨੇਤਾ ਬ੍ਰਾਇਨ ਤਾਮਾਕੀ ਵਿਰੁੱਧ ਕਾਰਵਾਈ ਕਰਨ ਦੀ ਮੰਗ ਕੀਤੀ ਜਾ ਰਹੀ ਹੈ। ਕਿਉਂਕਿ ਉਸਨੇ ਨਿਊਜ਼ੀਲੈਂਡ ਤੋਂ ਮੁਸਲਿਮ, ਸਿੱਖ ਅਤੇ ਹਿੰਦੂ ਧਰਮਾਂ ਦੇ ਭਾਈਚਾਰਿਆਂ ਅਤੇ ਉਹਨਾਂ ਦੇ ਧਾਰਮਿਕ ਸਥਾਨਾਂ ਬਾਰੇ ਭੜਕਾਊ ਟਿੱਪਣੀਆਂ ਕੀਤੀਆਂ ਹਨ।
ਪਿਛਲੇ ਹਫ਼ਤੇ ਸਾਂਝੀ ਕੀਤੀ ਗਈ ਇੱਕ ਵੀਡੀਓ ਵਿੱਚ, ਵਿਵਾਦਪੂਰਨ ਈਸਾਈ ਨੇਤਾ ਨੇ ਭਾਰਤੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ‘ਤੇ ਭਾਰਤੀ ਈਸਾਈਆਂ ਨੂੰ ਧਮਕੀਆਂ ਅਤੇ ਹਿੰਸਾ ਨਾਲ ਨਿਸ਼ਾਨਾ ਬਣਾਉਣ ਦਾ ਦੋਸ਼ ਲਗਾਇਆ ਉਸ ਨੇ ਕਿਹਾ ਕਿ ਮੈਨੂੰ ਲੱਗਦਾ ਹੈ ਕਿ ਸਾਨੂੰ ਵੀ ਇਸ ਤਰ੍ਹਾਂ ਦਾ ਜਵਾਬ ਦੇਣਾ ਚਾਹੀਦਾ ਹੈ। ਆਓ ਨਿਊਜ਼ੀਲੈਂਡ ਨੂੰ ਹਿੰਦੂਆਂ, ਸਿੱਖਾਂ ਅਤੇ ਮੁਸਲਮਾਨਾਂ ਤੋਂ ਸਾਫ਼ ਕਰੀਏ।ਜੇ ਉਹ ਚਰਚਾਂ ਨੂੰ ਸਾੜ ਰਹੇ ਹਨ, ਤਾਂ ਅਸੀਂ ਮਸਜਿਦਾਂ ਅਤੇ ਉਨ੍ਹਾਂ ਦੇ ਮੰਦਰਾਂ ਨੂੰ ਕਿਉਂ ਨਹੀਂ ਸਾੜਦੇ।ਪੁਲਿਸ ਨੇ ਇੱਕ ਮੀਡੀਆ ਨਾਲ ਗੱਲ ਕਰਦੇ ਦੱਸਿਆ ਕਿ ਉਹ ਵੀਡੀਓ ਤੋਂ ਜਾਣੂ ਸਨ, ਅਤੇ ਇਸਦੀ ਸਮੱਗਰੀ ਦੀ ਜਾਂਚ ਕਰ ਰਹੇ ਹਨ। ਨਿਊਜ਼ੀਲੈਂਡ ਦੇ ਹਿੰਦੂ ਬੋਰਡ ਨੇ ਅੱਜ ਸਵੇਰੇ ਤਾਮਾਕੀ ਦੇ “ਭੜਕਾਉ, ਅਪਮਾਨਜਨਕ ਅਤੇ ਨਫ਼ਰਤ ਭਰੇ ਵੀਡੀਓ” ਦੀ ਨਿੰਦਾ ਕੀਤੀ, ਕਿਹਾ ਕਿ ਟਿੱਪਣੀਆਂ ਨੇ ਵਿਭਿੰਨ ਭਾਰਤੀ ਪ੍ਰਵਾਸੀਆਂ ਵਿਰੁੱਧ ਹਿੰਸਾ, ਅੱਗਜ਼ਨੀ ਅਤੇ ਨਫ਼ਰਤ ਨੂੰ ਭੜਕਾਇਆ। ਬੋਰਡ ਨੇ ਸਰਕਾਰ ਅਤੇ ਪੁਲਿਸ ਨੂੰ “ਆਪਣੇ ਆਪ ਨੋਟਿਸ ਲੈਣ ਅਤੇ ਤਾਮਾਕੀ ਵਿਰੁੱਧ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰਨ” ਦੀ ਮੰਗ ਕੀਤੀ, ਕਿਹਾ ਕਿ ਪੁਲਿਸ ਮੰਤਰੀ ਮਾਰਕ ਮਿਸ਼ੇਲ ਨੂੰ “ਇਹ ਦਿਖਾਉਣਾ ਚਾਹੀਦਾ ਹੈ ਕਿ ਨਿਊਜ਼ੀਲੈਂਡ ਵਿੱਚ ਕਿਸੇ ਵੀ ਸਮੂਹ ਵਿਰੁੱਧ ਹਿੰਸਾ ਦੇ ਸੱਦੇ ਨੂੰ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ।