ਉੱਤਰੀ ਆਇਰਲੈਂਡ ਦੇ ਬੈਲਫਾਸਟ ਸ਼ਹਿਰ ਵਿੱਚ ਇੱਕ ਚਾਕੂ ਹਮਲੇ ਤੋਂ ਬਾਅਦ ਇਮੀਗ੍ਰੇਸ਼ਨ ਵਿਰੋਧੀ ਪ੍ਰਦਰਸ਼ਨ ਹਿੰਸਕ ਰੂਪ ਧਾਰ ਗਏ। ਪ੍ਰਦਰਸ਼ਨਕਾਰੀਆਂ ਨੇ ਕਈ ਘਰਾਂ, ਗੱਡੀਆਂ ਅਤੇ ਇੱਕ ਬੱਸ ਨੂੰ ਅੱਗ ਲਗਾ ਦਿੱਤੀ, ਜਦਕਿ ਮੁੱਖ ਸੜਕਾਂ ਵੀ ਬੰਦ ਕਰ ਦਿੱਤੀਆਂ ਗਈਆਂ। ਪੁਲਿਸ ਨੂੰ ਕਈ ਥਾਵਾਂ ‘ਤੇ ਹਾਲਾਤ ਕਾਬੂ ਕਰਨ ਲਈ ਦਖਲ ਦੇਣਾ ਪਿਆ।
ਪੁਲਿਸ ਮੁਤਾਬਕ ਇੱਕ 30 ਸਾਲਾ ਸੂਡਾਨੀ ਵਿਅਕਤੀ ‘ਤੇ ਕਤਲ ਦੀ ਕੋਸ਼ਿਸ਼ ਦੇ ਦੋਸ਼ ਲਗਾਏ ਗਏ ਹਨ। ਇਸ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਣ ਤੋਂ ਬਾਅਦ ਗੁੱਸਾ ਭੜਕਿਆ ਅਤੇ ਕਈ ਇਲਾਕਿਆਂ ਵਿੱਚ ਹਿੰਸਾ ਫੈਲ ਗਈ।
ਹਿੰਸਾ ਦੌਰਾਨ ਕਈ ਪਰਵਾਸੀ ਪਰਿਵਾਰਾਂ ਦੇ ਘਰ ਨਿਸ਼ਾਨਾ ਬਣੇ ਅਤੇ ਕੁਝ ਲੋਕਾਂ ਨੂੰ ਸੜਦੇ ਘਰਾਂ ਵਿਚੋਂ ਬਚਾ ਕੇ ਕੱਢਣਾ ਪਿਆ। ਸਥਾਨਕ ਅਤੇ ਬ੍ਰਿਟਿਸ਼ ਆਗੂਆਂ ਨੇ ਇਸ ਹਿੰਸਾ ਦੀ ਸਖ਼ਤ ਨਿੰਦਾ ਕਰਦਿਆਂ ਲੋਕਾਂ ਨੂੰ ਸ਼ਾਂਤੀ ਬਣਾਈ ਰੱਖਣ ਦੀ ਅਪੀਲ ਕੀਤੀ ਹੈ।
Add Comment