ਨਿਊਜ਼ੀਲੈਂਡ ਸਰਕਾਰ ਵੱਲੋਂ ਪਬਲਿਕ ਟ੍ਰਾਂਸਪੋਰਟ ਸੇਵਾਵਾਂ ਨੂੰ ਬਿਹਤਰ ਬਣਾਉਣ ਲਈ $450 ਮਿਲੀਅਨ ਦੇ ਐਮਰਜੈਂਸੀ ਫੰਡ ਦੀ ਵਰਤੋਂ ਕਰਨ ਦੇ ਸੰਕੇਤ ਦਿੱਤੇ ਗਏ ਹਨ। ਟ੍ਰਾਂਸਪੋਰਟ ਮੰਤਰੀ Chris Bishop ਮੁਤਾਬਕ ਜੇਕਰ ਇਹ ਫੰਡ ਵਰਤਿਆ ਗਿਆ ਤਾਂ ਪੀਕ ਘੰਟਿਆਂ ਦੌਰਾਨ ਹੋਰ ਬੱਸਾਂ ਅਤੇ ਟ੍ਰੇਨਾਂ ਚਲਾਉਣ ’ਤੇ ਧਿਆਨ ਦਿੱਤਾ ਜਾਵੇਗਾ।
ਦੂਜੇ ਪਾਸੇ Labour Party ਨੇ ਐਲਾਨ ਕੀਤਾ ਹੈ ਕਿ ਜੇਕਰ ਉਹ ਚੋਣ ਜਿੱਤਦੀ ਹੈ ਤਾਂ Auckland, Wellington ਅਤੇ Christchurch ਵਿੱਚ ਪਬਲਿਕ ਟ੍ਰਾਂਸਪੋਰਟ ਕਿਰਾਇਆ $20 ਪ੍ਰਤੀ ਹਫ਼ਤਾ ਅਤੇ ਹੋਰ ਇਲਾਕਿਆਂ ਵਿੱਚ $10 ਪ੍ਰਤੀ ਹਫ਼ਤਾ ਤੱਕ ਸੀਮਿਤ ਕੀਤਾ ਜਾਵੇਗਾ। Labour ਦਾ ਕਹਿਣਾ ਹੈ ਕਿ ਇਸ ਨਾਲ ਲੋਕਾਂ ਨੂੰ ਮਹਿੰਗਾਈ ਦੇ ਦੌਰ ਵਿੱਚ ਰਾਹਤ ਮਿਲੇਗੀ।
ਪਰ ਸਰਕਾਰ ਦਾ ਕਹਿਣਾ ਹੈ ਕਿ ਸਬਸਿਡੀ ਦੇਣ ਦੀ ਬਜਾਏ ਸੇਵਾਵਾਂ ਵਧਾਉਣਾ ਵਧੀਆ ਹੱਲ ਹੈ। Labour ਨੇ ਸਰਕਾਰ ’ਤੇ ਸਵਾਲ ਉਠਾਇਆ ਹੈ ਕਿ Budget ਵਿੱਚ ਪਬਲਿਕ ਟ੍ਰਾਂਸਪੋਰਟ ਲਈ ਕੋਈ ਵੱਡਾ ਸਹਿਯੋਗ ਨਹੀਂ ਸੀ, ਪਰ ਹੁਣ ਸਰਕਾਰ ਇਸ ਨੂੰ ਆਪਣੀ ਤਰਜੀਹ ਦੱਸ ਰਹੀ ਹੈ।
Add Comment