ਅਮਰੀਕੀ ਰਾਜ ਮਿਸੌਰੀ ਤੋਂ ਖ਼ਬਰ ਮੁਤਾਬਕ ਅੱਜ ਐਤਵਾਰ ਇੱਕ ਸਕਾਈ ਡਾਈਵਿੰਗ ਜਹਾਜ਼ ਹਾਦਸਾਗ੍ਰਸਤ ਹੋ ਗਿਆ, ਜਿਸ ਵਿੱਚ ਸਵਾਰ ਪਾਇਲਟ ਸਮੇਤ ਸਾਰੇ 12 ਜਣਿਆਂ ਦੀ ਮੌਤ ਹੋ ਗਈ ਹੈ। ਹਾਦਸਾ ਇੰਨਾ ਭਿਆਨਕ ਸੀ ਕਿ ਜਹਾਜ਼ ਟਕਰਾਉਣ ‘ਤੇ ਬਾਅਦ ਅੱਗ ਦੇ ਗੋਲੇ ਵਿੱਚ ਬਦਲ ਗਿਆ। ਇਹ ਹਾਦਸਾ ਹਵਾਈ ਅੱਡੇ ਨੇੜੇ ਹੋਇਆ ਹੈ। ਰਿਪੋਰਟਾਂ ਅਨੁਸਾਰ, ਇਹ ਦੁਖਦਾਈ ਹਾਦਸਾ ਐਤਵਾਰ ਸਵੇਰੇ 11:30 ਵਜੇ ਦੇ ਕਰੀਬ ਬਟਲਰ ਮੈਮੋਰੀਅਲ ਹਵਾਈ ਅੱਡੇ ਨੇੜੇ ਵਾਪਰਿਆ, ਜੋ ਕਿ ਕੈਨਸਸ ਸਿਟੀ ਤੋਂ ਲਗਭਗ 65 ਮੀਲ ਦੱਖਣ ਵਿੱਚ ਸਥਿਤ ਹੈ। ਮਿਸੌਰੀ ਸਟੇਟ ਹਾਈਵੇਅ ਪੈਟਰੋਲ (MSHP) ਨੇ ਦੱਸਿਆ ਕਿ ਜਹਾਜ਼ ਹਵਾਈ ਅੱਡੇ ਦੇ ਨਾਲ ਲੱਗਦੇ ਇੱਕ ਖੇਤ ਵਿੱਚ ਹਾਦਸਾਗ੍ਰਸਤ ਹੋ ਗਿਆ। ਹਾਦਸੇ ਤੋਂ ਤੁਰੰਤ ਬਾਅਦ ਸਥਾਨਕ ਅਧਿਕਾਰੀਆਂ ਨੂੰ 911 ‘ਤੇ ਇੱਕ ਕਾਲ ਮਿਲੀ ਜਿਸ ਵਿੱਚ ਇੱਕ ਜਹਾਜ਼ ਅੱਗ ਵਿੱਚ ਘਿਰਿਆ ਹੋਣ ਦੀ ਰਿਪੋਰਟ ਮਿਲੀ।
Add Comment