ਆਕਲੈਂਡ(ਬਲਜਿੰਦਰ ਰੰਧਾਵਾ) ਦੋ ਆਕਲੈਂਡਰ ਸ਼ਨੀਵਾਰ ਰਾਤ ਨਿਕਲੇ 40 ਮਿਲੀਅਨ ਡਾਲਰ ਦੇ ਲੋਟੋ ਪਾਵਰਬਾਲ ਡਰਾਅ ਦੇ ਜੇਤੂ ਬਣੇ ਹਨ।ਜਿਸ ਨਾਲ ਹਰੇਕ ਨੂੰ 20.1 ਮਿਲੀਅਨ ਡਾਲਰ ਘਰ ਲੈ ਜਾਣ ਦਾ ਮੌਕਾ ਮਿਲਿਆ ਹੈ।ਇੱਕ ਜੇਤੂ ਨੇ ਬਲਾਕਹਾਊਸ ਬੇਅ ਪੋਸਟ ਸ਼ਾਪ ਅਤੇ ਸਟੇਸ਼ਨਰੀ ਤੋਂ ਆਪਣੀ ਟਿਕਟ ਖਰੀਦੀ ਸੀ ਅਤੇ ਦੂਜੇ ਨੇ ਆਪਣੀ ਟਿਕਟ ਮਾਈਲੋਟੋ, ਲੋਟੋ ਨਿਊਜ਼ੀਲੈਂਡ ਐਪ ‘ਤੇ ਔਨਲਾਈਨ ਖਰੀਦੀ।
ਕੱਢੇ ਗਏ ਨੰਬਰ 1, 12, 18, 29, 22 ਅਤੇ 14 ਸਨ। ਬੋਨਸ ਬਾਲ 32 ਅਤੇ ਪਾਵਰਬਾਲ 8 ਸੀ।
ਪਾਵਰਬਾਲ ਜਿੱਤਾਂ ਦਾ ਅੱਧਾ ਹਿੱਸਾ ਪ੍ਰਾਪਤ ਕਰਨ ਤੋਂ ਇਲਾਵਾ, ਦੋਵੇਂ ਜੇਤੂਆਂ ਨੂੰ ਲੋਟੋ ਪਹਿਲੇ ਡਿਵੀਜ਼ਨ ਤੋਂ $111,111 ਵੀ ਮਿਲਣਗੇ। ਸੱਤ ਹੋਰ ਖਿਡਾਰੀਆਂ ਨੇ ਲੋਟੋ ਪਹਿਲੇ ਡਿਵੀਜ਼ਨ ਜਿੱਤੇ ਅਤੇ ਉਹ ਵੀ $111,111 ਘਰ ਲੈ ਜਾਣਗੇ।
