ਬ੍ਰਿਟੇਨ ਦੀ ਮਹਾਰਾਣੀ ਐਲਿਜ਼ਾਬੈਥ II ਵਿੰਡਸਰ ਕੈਸਲ ਵਿਖੇ ਅਗਲੇ ਹਫ਼ਤੇ ‘ਗਰੁੱਪ ਆਫ ਸੈਵਨ ਲੀਡਰਜ਼’ ਦੇ ਸਿਖਰ ਸੰਮੇਲਨ ਵਿਚ ਹਿੱਸਾ ਲੈਣ ਯੂਕੇ ਆ ਰਹੇ ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਈਡੇਨ ਨਾਲ ਮੁਲਾਕਾਤ ਕਰੇਗੀ। ਬਕਿੰਘਮ ਪੈਲੇਸ ਨੇ ਇਹ ਜਾਣਕਾਰੀ ਦਿੱਤੀ।
ਮਹਿਲ ਨੇ ਵੀਰਵਾਰ ਨੂੰ ਕਿਹਾ ਕਿ ਸਮਰਾਟ ਇੰਗਲੈਂਡ ਦੇ ਕੌਰਨਵਾਲ ਵਿਚ ਹੋਣ ਵਾਲੇ 11-13 ਜੂਨ ਦੇ ਸਿਖਰ ਸੰਮੇਲਨ ਦੇ ਆਖਰੀ ਦਿਨ ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਈਡੇਨ ਅਤੇ ਪਹਿਲੀ ਔਰਤ ਜਿਲ ਬਾਈਡੇਨ ਦੀ ਮੇਜ਼ਬਾਨੀ ਕਰਨਗੇ। ਅਮੀਰ ਉਦਯੋਗਿਕ ਦੇਸ਼ਾਂ ਦੇ ਆਗੂ ਦੋ ਸਾਲਾਂ ਤੋਂ ਵੀ ਵੱਧ ਸਮੇਂ ਬਾਅਦ ਆਪਣੀ ਪਹਿਲੀ ਆਹਮੋ-ਸਾਹਮਣੇ ਬੈਠਕ ਕਰ ਰਹੇ ਹਨ।ਮੇਜ਼ਬਾਨ ਰਾਸ਼ਟਰ ਬ੍ਰਿਟੇਨ ਇਹ ਦਰਸਾਉਣ ਲਈ ਉਤਸੁਕ ਹੈ ਕਿ ਤੇਜ਼ੀ ਨਾਲ ਬਦਲਦੀ ਦੁਨੀਆ ਵਿਚ ਅਮੀਰ ਦੇਸ਼ਾਂ ਦਾ ਕਲੱਬ ਦਾ ਦਬਦਬਾ ਹਾਲੇ ਵੀ ਹੈ। ਦੇਸ਼ ਲਈ ਬ੍ਰੈਗਜ਼ਿਟ ਦੇ ਬਾਅਦ “ਗਲੋਬਲ ਬ੍ਰਿਟੇਨ” ਦੀ ਭੂਮਿਕਾ ਬਣਾਉਣ ਵਿਚ ਮਦਦ ਕਰਨ ਲਈ ਇਸ ਸਾਲ ਯੂਕੇ ਦੀ ਜੀ-7 ਪ੍ਰੈਜੀਡੈਂਸੀ ਦੀ ਵਰਤੋਂ ਕਰਨ ਦੀ ਆਸ ਹੈ।
